Home New Musics New Musics this Month YeneVibe Charts
Featured

ናቲ ማን -Nhatty Man - ፈራጅ -Feraj - New Ethiopian Music 2023 - New Album 2023


Published
አልበሙን በመግዛት ድጋፎን ማሳየት ከፈለጉ
You can buy the album on
https://realnhattyman.bandcamp.com/album/vol-4

Supported by the Australian Government through the Australia Council for the Arts, its arts funding and advisory body.

ፈራጅ
የበቃ ሰው አጣች ብለን እስከዛሬ
ተቆጭተን ከርመን ዘመነች ሀገሬ
ቤተ እምነቷ ሁሉ ቃል እያሳጠረ
እግዚአን ቀንሶ ለብሔር ዘመረ

በሉኝ ፈራጅ በሉኝ ኮናኝ
በሉኝ ፈራጅ በሉኝ ኮናኝ
ዛሬን እጮኀለሁ ሁኔታው ቢያስፈራኝ
ዛሬን እጮኀለሁ ሁኔታው ቢያስፈራኝ


የፊቱን ባላውቅም መጭውን ጠንቅቄ
በማየው ፈራሁት ቀርቶ መናፈቄ
የኖርንበት ልምዳችን አንድ አድርጎን በተስፋ
ዛሬን መላ እንበለው ሳይከስም ሳይጥፋ

የስንቱን ጎጆ ኑሮ ገብቶ እንደፈተነው
ከደጁ ዘለቀ በቸል እያለፍነው
የኔ ካለው ውጪ ሰው ህብረትን ፈርቶ
ክብሩን ካረከሰው ዘር ነገዱን ጠርቶ

የታይታ ኑሮ
የወረት ነገር
የታይታ ኑሮ
ፀሎትም መኝታም
እውነትን ሽሮ
ቂም አሳድሮ

ታሪክ እንደሌለው አብሮም እንዳልኖረ
እንዳልተዛመደ በእምነቱ እንዳልዘከረ.
የኔ ዘር ያንተ ዘር እየተባባለ
ተመራርጦ ዋለ ያሀገር ሰው ቀለል

በዚች በዕምነት ሀገር
ባማኝ ሕዝብ ምድር
ፍቅር ዙፋን አጥቶ
ኪዳን ሽሯል ፍጡር
ከእንግዲስ ይብቃ በርቱ እንተባበር
ለከርሞ መልካም ሰው ዛሬን እንበል ይቅር

የታይታ ኑሮ
የወረት ነገር
የታይታ ኑሮ
ፀሎትም መኝታም
ቂም አሳድሮ
እውነትን ሽሮ

ይቅር አይበጅ ለሀገር

በተስፋ ኖራለች ትንሳኤዋን ናፍቃ
በ አንድ እንቁምላት ፉክክሩም ይብቃ ።

Next